Shiv Mahimna Stotra

महिम्नः पारं ते परमविदुषो यद्यसदृशी
स्तुतिर्ब्रह्मादीनामपि तदवसन्नास्त्वयि गिरः ।
अथावाच्यः सर्वः स्वमतिपरिणामावधि गृणन्
ममाप्येष स्तोत्रे हर निरपवादः परिकरः ॥

Mahimnah param te paramavidusho yadyasadrishi
Stutir brahmadinam api tad avasannas tvayi girah,
Athavachyah sarvah svamati parinamavadhi grinan
Mamapyesha stotre Hara nirapavadah parikarah.

If praise from one who does not know the full reach of your greatness falls short of you, then even the words of Brahma and the gods fall short. So no one is to blame who praises you as far as his own mind can reach; and this effort of mine to praise you, O Hara, is beyond blame too.

हे हर, अगर आपकी महिमा की पूरी सीमा न जानने वाले की स्तुति आपके योग्य नहीं, तो ब्रह्मा जी और देवताओं की वाणी भी आप तक नहीं पहुँचती। इसलिए जो अपनी बुद्धि भर आपकी स्तुति करता है, उसे दोष नहीं दिया जा सकता; और मेरा यह स्तोत्र रचने का प्रयास भी दोष से परे है।

अतीतः पन्थानं तव च महिमा वाङ्मनसयो-
रतद्व्यावृत्त्या यं चकितमभिधत्ते श्रुतिरपि ।
स कस्य स्तोतव्यः कतिविधगुणः कस्य विषयः
पदे त्वर्वाचीने पतति न मनः कस्य न वचः ॥

Atitah panthanam tava cha mahima vanmanasayor
Atadvyavrittya yam chakitam abhidhatte shrutir api,
Sa kasya stotavyah katividhagunah kasya vishayah
Pade tvarvachine patati na manah kasya na vachah.

Your greatness lies beyond the path of speech and mind; even the Vedas speak of it in awe, only by saying what it is not. Who can praise it? How many are its qualities? Whose mind can hold it? Yet when you take a form, whose mind does not turn to you, whose words do not?

आपकी महिमा वाणी और मन की पहुँच से परे है; वेद भी उसे चकित होकर "यह नहीं, यह नहीं" कहकर ही बताते हैं। उसकी स्तुति कौन कर सकता है? उसके कितने गुण हैं? वह किसकी समझ में आ सकती है? फिर भी जब आप साकार रूप लेते हैं, तो किसका मन और किसकी वाणी आपकी ओर नहीं खिंचती?

मधुस्फीता वाचः परमममृतं निर्मितवत-
स्तव ब्रह्मन् किं वागपि सुरगुरोर्विस्मयपदम् ।
मम त्वेतां वाणीं गुणकथनपुण्येन भवतः
पुनामीत्यर्थेऽस्मिन् पुरमथन बुद्धिर्व्यवसिता ॥

Madhusphita vachah paramam amritam nirmitavatas
Tava brahman kim vag api suraguror vismayapadam,
Mama tvetam vanim gunakathana punyena bhavatah
Punamityarthe smin puramathana buddhir vyavasita.

You made the Vedas, words sweet with honey, the highest nectar, O Brahman: can even the speech of Brihaspati, teacher of the gods, fill you with wonder? It is to make my own words pure by the merit of telling your virtues, O destroyer of the three cities, that my mind has set out on this.

हे ब्रह्म, आपने ही मधु जैसी मीठी वाणी, परम अमृत रूपी वेद रचे हैं; तो क्या देवगुरु बृहस्पति की वाणी भी आपको चकित कर सकती है? हे त्रिपुर का नाश करने वाले, आपके गुणों के वर्णन के पुण्य से अपनी वाणी को पवित्र करने के लिए ही मेरी बुद्धि इस काम में लगी है।

तवैश्वर्यं यत्तज्जगदुदयरक्षाप्रलयकृत्
त्रयीवस्तुव्यस्तं तिसृषु गुणभिन्नासु तनुषु ।
अभव्यानामस्मिन् वरद रमणीयामरमणीं
विहन्तुं व्याक्रोशीं विदधत इहैके जडधियः ॥

Tavaishvaryam yat taj jagad udaya raksha pralaya krit
Trayi vastu vyastam tisrishu gunabhinnasu tanushu,
Abhavyanam asmin varada ramaniyam aramanim
Vihantum vyakroshim vidadhata ihaike jadadhiyah.

Your glory creates, keeps and dissolves the world; the three Vedas speak of it, shared among three forms of different qualities, Brahma, Vishnu and Rudra. Yet, O giver of boons, some dull minds here raise loud arguments against it, pleasing to the unworthy but in truth unlovely.

हे वर देने वाले, आपका ऐश्वर्य ही संसार को रचता, पालता और उसका प्रलय करता है; तीनों वेद उसका वर्णन करते हैं, और वह अलग-अलग गुणों वाले तीन रूपों, ब्रह्मा, विष्णु और रुद्र, में बँटा है। फिर भी कुछ मन्दबुद्धि लोग उसके विरुद्ध ज़ोर-ज़ोर से तर्क करते हैं, जो अयोग्य लोगों को अच्छे लगते हैं पर सच में अच्छे नहीं हैं।

किमीहः किं कायः स खलु किमुपायस्त्रिभुवनं
किमाधारो धाता सृजति किमुपादान इति च ।
अतर्क्यैश्वर्ये त्वय्यनवसरदुःस्थो हतधियः
कुतर्कोऽयं कांश्चिन्मुखरयति मोहाय जगतः ॥

Kim ihah kim kayah sa khalu kim upayas tribhuvanam
Kim adharo dhata srijati kim upadana iti cha,
Atarkyaishvarye tvayyanavasara duhstho hatadhiyah
Kutarko yam kamshchin mukharayati mohaya jagatah.

“With what wish, what body, what means, what support does the creator make the three worlds, and from what stuff?” This false reasoning has no ground against you, whose glory is beyond reasoning; it only sets some confused minds chattering, to lead the world astray.

"सृष्टिकर्ता किस इच्छा से, किस शरीर से, किस उपाय से, किस आधार पर और किस सामग्री से तीनों लोक रचता है?" आपका ऐश्वर्य तो तर्क से परे है, इसलिए आपके बारे में यह कुतर्क टिकता नहीं; यह बस कुछ भ्रमित लोगों को संसार को भटकाने के लिए बकवास करने पर लगा देता है।

अजन्मानो लोकाः किमवयववन्तोऽपि जगता-
मधिष्ठातारं किं भवविधिरनादृत्य भवति ।
अनीशो वा कुर्याद्भुवनजनने कः परिकरो
यतो मन्दास्त्वां प्रत्यमरवर संशेरत इमे ॥

Ajanmano lokah kim avayavavanto pi jagatam
Adhishthataram kim bhavavidhir anadritya bhavati,
Anisho va kuryad bhuvanajanane kah parikaro
Yato mandas tvam pratyamaravara samsherata ime.

Can the worlds, made of parts, be without a birth? Can the world come to be without regard to one who rules it? And if there were no Lord, who else could gather the means to make it? Yet, O best of the gods, the foolish doubt you.

क्या अंगों वाले ये लोक बिना जन्म के हो सकते हैं? क्या संसार अपने स्वामी के बिना बन सकता है? और अगर ईश्वर न हों, तो संसार रचने का साधन और कौन जुटा सकता है? फिर भी, हे देवताओं में श्रेष्ठ, मूर्ख लोग आप पर सन्देह करते हैं।

त्रयी साङ्ख्यं योगः पशुपतिमतं वैष्णवमिति
प्रभिन्ने प्रस्थाने परमिदमदः पथ्यमिति च ।
रुचीनां वैचित्र्यादृजुकुटिल नानापथजुषां
नृणामेको गम्यस्त्वमसि पयसामर्णव इव ॥

Trayi sankhyam yogah pashupatimatam vaishnavam iti
Prabhinne prasthane param idam adah pathyam iti cha,
Ruchinam vaichitryad riju kutila nanapathajusham
Nrinam eko gamyas tvam asi payasam arnava iva.

The three Vedas, Sankhya, Yoga, the teaching of Pashupati, the Vaishnava way: on these different paths people say “this is highest” or “that is best”, as their tastes differ. Yet as every river, straight or winding, reaches the ocean, you alone are the goal of all people on all their many paths.

तीनों वेद, सांख्य, योग, पाशुपत मत, वैष्णव मार्ग: इन अलग-अलग रास्तों में लोग अपनी-अपनी रुचि से कहते हैं कि "यह सबसे ऊँचा है" या "वह सबसे अच्छा है"। पर जैसे सीधी या टेढ़ी, सब नदियाँ सागर में ही जा मिलती हैं, वैसे ही अनेक मार्गों पर चलने वाले सब लोगों का लक्ष्य केवल आप हैं।

महोक्षः खट्वाङ्गं परशुरजिनं भस्म फणिनः
कपालं चेतीयत्तव वरद तन्त्रोपकरणम् ।
सुरास्तां तामृद्धिं दधति तु भवद्भ्रूप्रणिहितां
न हि स्वात्मारामं विषयमृगतृष्णा भ्रमयति ॥

Mahokshah khatvangam parashur ajinam bhasma phaninah
Kapalam chetiyat tava varada tantropakaranam,
Surastam tam riddhim dadhati tu bhavad bhru pranihitam
Na hi svatmaramam vishaya mriga trishna bhramayati.

An old bull, a club topped with a skull, an axe, a deer skin, ash, serpents and a skull: this, O giver of boons, is all you own. Yet the gods hold all their wealth by a mere movement of your brow. The mirage of the senses cannot lead astray one who delights in his own Self.

हे वर देने वाले, एक बूढ़ा बैल, खट्वांग, फरसा, मृगछाला, भस्म, साँप और खप्पर, बस इतना ही आपका सामान है। फिर भी देवता अपना सारा वैभव आपकी भौंह के एक इशारे से ही पाते हैं। जो अपने आत्मा में ही रमता है, उसे विषयों की मृगतृष्णा भटका नहीं सकती।

ध्रुवं कश्चित् सर्वं सकलमपरस्त्वध्रुवमिदं
परो ध्रौव्याध्रौव्ये जगति गदति व्यस्तविषये ।
समस्तेऽप्येतस्मिन् पुरमथन तैर्विस्मित इव
स्तुवञ्जिह्रेमि त्वां न खलु ननु धृष्टा मुखरता ॥

Dhruvam kashchit sarvam sakalam aparas tvadhruvam idam
Paro dhrauvyadhrauvye jagati gadati vyastavishaye,
Samaste pyetasmin puramathana tair vismita iva
Stuvan jihremi tvam na khalu nanu dhrishta mukharata.

One says this whole world lasts for ever; another says it all passes away; a third says that in its different parts it both lasts and passes. Wonder-struck at them all, O destroyer of the three cities, I praise you and am not ashamed: chattering is bold indeed.

कोई कहता है कि यह सारा संसार सदा रहने वाला है, कोई कहता है कि यह सब नश्वर है, और कोई कहता है कि इसके अलग-अलग भागों में यह नित्य भी है और अनित्य भी। हे त्रिपुरारि, इन सब पर चकित होकर भी मैं आपकी स्तुति करते हुए लजाता नहीं; बोलते रहना सच में बड़ी ढिठाई है।

तवैश्वर्यं यत्नाद्यदुपरि विरिञ्चिर्हरिरधः
परिच्छेत्तुं यातावनलमनलस्कन्धवपुषः ।
ततो भक्तिश्रद्धाभरगुरुगृणद्भ्यां गिरिश यत्
स्वयं तस्थे ताभ्यां तव किमनुवृत्तिर्न फलति ॥

Tavaishvaryam yatnad yad upari virinchir harir adhah
Parichchhettum yatav analam anala skandhavapushah,
Tato bhakti shraddha bhara guru grinadbhyam Girisha yat
Svayam tasthe tabhyam tava kim anuvrittir na phalati.

When Brahma went up and Vishnu went down, trying hard to find the limits of your glory, you stood as a pillar of fire, and they could not. Then, as they praised you, heavy with devotion and faith, O Girisha, you showed yourself to them of your own will. Does following you not bear fruit?

जब आपके ऐश्वर्य की सीमा जानने के लिए ब्रह्मा जी ऊपर और विष्णु जी नीचे बड़े यत्न से गए, तब आप अग्नि के स्तम्भ के रूप में खड़े थे, और वे उसका अन्त न पा सके। फिर जब उन्होंने भक्ति और श्रद्धा से भरकर आपकी स्तुति की, हे गिरीश, तो आप अपने आप उनके सामने प्रकट हो गए। क्या आपका अनुसरण फल नहीं देता?

अयत्नादापाद्य त्रिभुवनमवैरव्यतिकरं
दशास्यो यद्बाहूनभृत रणकण्डूपरवशान् ।
शिरःपद्मश्रेणीरचितचरणाम्भोरुहबलेः
स्थिरायास्त्वद्भक्तेस्त्रिपुरहर विस्फूर्जितमिदम् ॥

Ayatnad apadya tribhuvanam avairavyatikaram
Dashasyo yad bahun abhrita rana kandu paravashan,
Shirah padma shreni rachita charanambhoruha baleh
Sthirayas tvad bhaktes tripurahara visphurjitam idam.

Ravana, the ten-headed, won the three worlds without effort and left himself no enemy, and still his arms itched for battle: O destroyer of the three cities, that was the flowering of his steady devotion, which laid his heads like a row of lotuses at your lotus feet.

दस सिर वाले रावण ने बिना प्रयास के तीनों लोक जीत लिए और कोई शत्रु न छोड़ा, फिर भी उसकी भुजाएँ युद्ध के लिए मचलती रहीं। हे त्रिपुरारि, यह उसकी उस अटल भक्ति का ही फल था, जिसमें उसने अपने सिरों को कमलों की माला की तरह आपके चरण कमलों पर चढ़ा दिया था।

अमुष्य त्वत्सेवासमधिगतसारं भुजवनं
बलात् कैलासेऽपि त्वदधिवसतौ विक्रमयतः ।
अलभ्या पातालेऽप्यलसचलिताङ्गुष्ठशिरसि
प्रतिष्ठा त्वय्यासीद्ध्रुवमुपचितो मुह्यति खलः ॥

Amushya tvat seva samadhigata saram bhujavanam
Balat kailase pi tvad adhivasatau vikramayatah,
Alabhya patale pyalasa chalitangushtha shirasi
Pratishtha tvayyasid dhruvam upachito muhyati khalah.

But when he turned that forest of arms, whose strength came from serving you, against Kailash itself, your own home, you idly moved the tip of your toe, and he could find no footing even in the underworld. Surely the wicked, once grown strong, lose their wits.

पर जब उसने आपकी सेवा से पाई हुई अपनी भुजाओं के बल को आपके ही घर कैलास पर आज़माया, तब आपने आराम से अपने अँगूठे का सिरा हिलाया, और उसे पाताल में भी टिकने की जगह न मिली। सच है, दुष्ट बलवान होकर अपना विवेक खो देता है।

यदृद्धिं सुत्राम्णो वरद परमोच्चैरपि सती-
मधश्चक्रे बाणः परिजनविधेयत्रिभुवनः ।
न तच्चित्रं तस्मिन् वरिवसितरि त्वच्चरणयो-
र्न कस्याप्युन्नत्यै भवति शिरसस्त्वय्यवनतिः ॥

Yad riddhim sutramno varada paramochchair api satim
Adhashchakre banah parijana vidheya tribhuvanah,
Na tach chitram tasmin varivasitari tvach charanayor
Na kasyapyunnatyai bhavati shirasas tvayyavanatih.

The demon Bana, who held the three worlds as his servants, set below him the wealth of Indra, high as it was. That is no wonder, O giver of boons, in one who worshipped your feet: whose head, bowed to you, does not rise?

बाणासुर ने, जिसके सेवक तीनों लोक थे, इन्द्र के ऊँचे से ऊँचे वैभव को भी अपने से नीचे कर दिया। हे वर देने वाले, आपके चरणों की पूजा करने वाले के लिए यह कोई अचरज नहीं; आपके आगे झुका हुआ किसका सिर ऊँचा नहीं होता?

अकाण्डब्रह्माण्डक्षयचकितदेवासुरकृपा-
विधेयस्यासीद्यस्त्रिनयनविषं संहृतवतः ।
स कल्माषः कण्ठे तव न कुरुते न श्रियमहो
विकारोऽपि श्लाघ्यो भुवनभयभङ्गव्यसनिनः ॥

Akanda brahmanda kshaya chakita devasura kripa
Vidheyasyasid yas trinayana visham samhritavatah,
Sa kalmashah kanthe tava na kurute na shriyam aho
Vikaro pi shlaghyo bhuvana bhaya bhanga vyasaninah.

When the gods and demons were terrified that the universe would end before its time, O three-eyed one, you took pity and swallowed the poison. Does the dark stain it left on your throat not make you more beautiful? Even a flaw is praised in one whose passion is to end the fear of the world.

जब देवता और असुर डर गए कि ब्रह्माण्ड समय से पहले ही नष्ट हो जाएगा, तब हे त्रिनेत्र, आपने दया करके विष पी लिया। उससे आपके कण्ठ पर जो नीला दाग पड़ा, क्या वह आपकी शोभा नहीं बढ़ाता? जिसे संसार का भय मिटाने की लगन हो, उसका दोष भी प्रशंसा के योग्य होता है।

असिद्धार्था नैव क्वचिदपि सदेवासुरनरे
निवर्तन्ते नित्यं जगति जयिनो यस्य विशिखाः ।
स पश्यन्नीश त्वामितरसुरसाधारणमभूत्
स्मरः स्मर्तव्यात्मा न हि वशिषु पथ्यः परिभवः ॥

Asiddhartha naiva kvachid api sadevasuranare
Nivartante nityam jagati jayino yasya vishikhah,
Sa pashyannisha tvam itara sura sadharanam abhut
Smarah smartavyatma na hi vashishu pathyah paribhavah.

The arrows of Kama, the god of love, conquer the whole world and never come back without striking home, among gods, demons or men. Yet when he looked on you, O Lord, as if you were any other god, he became a mere memory. To slight the self-controlled brings no good.

कामदेव के बाण, जो सारे संसार को जीत लेते हैं, देवता, असुर या मनुष्य, किसी पर भी कभी खाली नहीं लौटते। पर हे ईश, जब उसने आपको दूसरे देवताओं जैसा ही समझकर देखा, तो वह केवल स्मृति बनकर रह गया। संयमी पुरुषों का अपमान करना भला नहीं होता।

मही पादाघाताद्व्रजति सहसा संशयपदं
पदं विष्णोर्भ्राम्यद्भुजपरिघरुग्णग्रहगणम् ।
मुहुर्द्यौर्दौस्थ्यं यात्यनिभृतजटाताडिततटा
जगद्रक्षायै त्वं नटसि ननु वामैव विभुता ॥

Mahi padaghatad vrajati sahasa samshayapadam
Padam vishnor bhramyad bhuja parigha rugna grahaganam,
Muhur dyaur dausthyam yatyanibhrita jata tadita tata
Jagad rakshayai tvam natasi nanu vamaiva vibhuta.

When you dance to protect the world, the earth is suddenly in danger from the stamping of your feet; the sky, the realm of Vishnu, has its planets battered by your whirling, mace-like arms; and heaven is shaken again and again, its sides lashed by your flying matted hair. Strange indeed is your might.

जब आप संसार की रक्षा के लिए नाचते हैं, तब आपके पैरों की धमक से धरती अचानक संकट में पड़ जाती है, आपकी घूमती हुई गदा जैसी भुजाओं से आकाश, यानी विष्णु पद, के ग्रह टकराकर टूट जाते हैं, और आपकी खुली जटाओं की मार से स्वर्ग बार-बार डगमगा जाता है। सच में आपकी प्रभुता अनोखी है।

वियद्व्यापी तारागणगुणितफेनोद्गमरुचिः
प्रवाहो वारां यः पृषतलघुदृष्टः शिरसि ते ।
जगद्द्वीपाकारं जलधिवलयं तेन कृतमि-
त्यनेनैवोन्नेयं धृतमहिम दिव्यं तव वपुः ॥

Viyad vyapi taragana gunita phenodgama ruchih
Pravaho varam yah prishata laghu drishtah shirasi te,
Jagad dvipakaram jaladhi valayam tena kritam ity
Anenaivonneyam dhrita mahima divyam tava vapuh.

The stream of the Ganga, which fills the sky and whose foam shines brighter with the stars, looks no bigger than a drop on your head; yet it made the world into islands ringed by the seas. From this alone one may guess how vast is your divine body.

गंगा जी की वह धारा, जो सारे आकाश में फैली है और जिसका झाग तारों से और चमक उठता है, आपके सिर पर एक बूँद जितनी छोटी दिखती है; फिर भी उसी ने संसार को सागरों से घिरे द्वीपों का रूप दिया। इसी से आपके दिव्य शरीर की महिमा का अनुमान लगाया जा सकता है।

रथः क्षोणी यन्ता शतधृतिरगेन्द्रो धनुरथो
रथाङ्गे चन्द्रार्कौ रथचरणपाणिः शर इति ।
दिधक्षोस्ते कोऽयं त्रिपुरतृणमाडम्बरविधि-
र्विधेयैः क्रीडन्त्यो न खलु परतन्त्राः प्रभुधियः ॥

Rathah kshoni yanta shatadhritir agendro dhanur atho
Rathange chandrarkau rathacharanapanih shara iti,
Didhakshos te ko yam tripura trinam adambara vidhir
Vidheyaih kridantyo na khalu paratantrah prabhudhiyah.

The earth your chariot, Brahma your charioteer, the king of mountains your bow, the sun and moon its wheels, Vishnu, who holds the discus, your arrow: why all this display, to burn up the straw that was Tripura? The Lord plays with what serves him; his will depends on nothing else.

धरती रथ, ब्रह्मा जी सारथी, पर्वतराज मेरु धनुष, सूर्य और चन्द्रमा पहिए, और चक्र धारण करने वाले विष्णु जी बाण: तिनके जैसे त्रिपुर को जलाने के लिए यह सारा आडम्बर क्यों? प्रभु तो अपने अधीन साधनों से खेलते हैं; उनका संकल्प किसी और पर निर्भर नहीं होता।

हरिस्ते साहस्रं कमलबलिमाधाय पदयो-
र्यदेकोने तस्मिन् निजमुदहरन्नेत्रकमलम् ।
गतो भक्त्युद्रेकः परिणतिमसौ चक्रवपुषा
त्रयाणां रक्षायै त्रिपुरहर जागर्ति जगताम् ॥

Hariste sahasram kamala balim adhaya padayor
Yad ekone tasmin nijam udaharan netrakamalam,
Gato bhaktyudrekah parinatim asau chakravapusha
Trayanam rakshayai tripurahara jagarti jagatam.

Vishnu laid a thousand lotuses at your feet as his offering, and when one was missing, he plucked out his own lotus eye to make up the number. That rush of devotion took the form of the discus, and in that form, O destroyer of the three cities, it stays awake to guard the three worlds.

विष्णु जी ने आपके चरणों में हज़ार कमल चढ़ाए, और जब उनमें एक कम पड़ा, तो उन्होंने अपनी कमल जैसी आँख निकालकर चढ़ा दी। हे त्रिपुरारि, भक्ति का वही उफान सुदर्शन चक्र बन गया, और उसी रूप में वह तीनों लोकों की रक्षा के लिए जागता रहता है।

क्रतौ सुप्ते जाग्रत्त्वमसि फलयोगे क्रतुमतां
क्व कर्म प्रध्वस्तं फलति पुरुषाराधनमृते ।
अतस्त्वां सम्प्रेक्ष्य क्रतुषु फलदानप्रतिभुवं
श्रुतौ श्रद्धां बद्ध्वा दृढपरिकरः कर्मसु जनः ॥

Kratau supte jagrat tvam asi phalayoge kratumatam
Kva karma pradhvastam phalati purusharadhanam rite,
Atas tvam samprekshya kratushu phaladana pratibhuvam
Shrutau shraddham baddhva dridha parikarah karmasu janah.

When the sacrifice is over, you stay awake to join those who sacrificed to its fruit: how could a rite, once ended, bear fruit without the worship of the Lord? So, seeing you as the pledge that sacrifices will bear fruit, people put their faith in the Vedas and hold firmly to their rites.

यज्ञ पूरा हो जाने पर भी आप जागते रहते हैं और यज्ञ करने वालों को उसका फल देते हैं; ईश्वर की आराधना के बिना समाप्त हुआ कर्म भला कैसे फल दे सकता है? इसलिए आपको यज्ञों का फल देने वाला ज़मानती मानकर लोग वेदों में श्रद्धा रखते हैं और दृढ़ता से कर्म करते हैं।

क्रियादक्षो दक्षः क्रतुपतिरधीशस्तनुभृता-
मृषीणामार्त्विज्यं शरणद सदस्याः सुरगणाः ।
क्रतुभ्रंशस्त्वत्तः क्रतुफलविधानव्यसनिनो
ध्रुवं कर्तुः श्रद्धाविधुरमभिचाराय हि मखाः ॥

Kriyadaksho dakshah kratupatir adhishas tanubhritam
Rishinam artvijyam sharanada sadasyah suraganah,
Kratubhramshas tvattah kratuphala vidhana vyasanino
Dhruvam kartuh shraddha vidhuram abhicharaya hi makhah.

Daksha, skilled in rites and lord of beings, was the one who offered the sacrifice; the seers were its priests and the gods its guests. Yet, O giver of refuge, it was ruined by you, for those bent on the fruits of ritual alone. Surely a sacrifice without faith in the Lord turns to harm for the one who offers it.

यज्ञ करने वाले थे कर्मकाण्ड में कुशल, प्राणियों के स्वामी दक्ष; ऋषि उसके पुरोहित थे और देवता उसके सभासद। फिर भी, हे शरण देने वाले, केवल यज्ञ के फल के लोभी उस दक्ष का यज्ञ आपने नष्ट कर दिया। सच है, ईश्वर में श्रद्धा के बिना किया गया यज्ञ करने वाले का ही अहित करता है।

प्रजानाथं नाथ प्रसभमभिकं स्वां दुहितरं
गतं रोहिद्भूतां रिरमयिषुमृष्यस्य वपुषा ।
धनुष्पाणेर्यातं दिवमपि सपत्राकृतममुं
त्रसन्तं तेऽद्यापि त्यजति न मृगव्याधरभसः ॥

Prajanatham natha prasabham abhikam svam duhitaram
Gatam rohid bhutam riramayishum rishyasya vapusha,
Dhanushpaner yatam divam api sapatrakritam amum
Trasantam te dyapi tyajati na mrigavyadha rabhasah.

Brahma, lord of creatures, lusting after his own daughter, followed her in the form of a stag when she became a doe. You took up your bow and pierced him with an arrow, O Lord, and though he fled to the sky, even now the fury of the hunter in you does not let him go, and he trembles there still.

हे नाथ, प्रजापति ब्रह्मा जी अपनी ही बेटी पर मोहित हो गए, और जब वह हिरनी बन गई, तो वे हिरन का रूप लेकर उसके पीछे गए। आपने हाथ में धनुष लेकर उन्हें बाण से बींध दिया, और वे आकाश में भाग गए; पर आज भी आपके शिकारी रूप का वेग उन्हें नहीं छोड़ता, और वे वहाँ काँपते रहते हैं।

स्वलावण्याशंसाधृतधनुषमह्नाय तृणवत्
पुरः प्लुष्टं दृष्ट्वा पुरमथन पुष्पायुधमपि ।
यदि स्त्रैणं देवी यमनिरत देहार्धघटना-
दवैति त्वामद्धा बत वरद मुग्धा युवतयः ॥

Svalavanyashamsa dhrita dhanusham ahnaya trinavat
Purah plushtam drishtva puramathana pushpayudham api,
Yadi strainam devi yamanirata dehardha ghatanad
Avaiti tvam addha bata varada mugdha yuvatayah.

O destroyer of the three cities, the goddess saw Kama, the flower-armed god of love, who had taken up his bow trusting in her beauty, burned up before her like straw in an instant. If she still thinks you are won by a woman, because her penance won her half your body, O giver of boons, it is because young women are innocent.

हे त्रिपुरारि, देवी पार्वती ने अपनी आँखों के सामने देखा कि उनके सौन्दर्य के भरोसे धनुष उठाने वाला फूलों के बाण वाला कामदेव पल भर में तिनके की तरह जल गया। हे वर देने वाले, अगर फिर भी वे, तप से आपका आधा शरीर पा लेने के कारण, आपको स्त्री के वश में मानती हैं, तो यह इसलिए कि युवतियाँ भोली होती हैं।

श्मशानेष्वाक्रीडा स्मरहर पिशाचाः सहचरा-
श्चिताभस्मालेपः स्रगपि नृकरोटीपरिकरः ।
अमङ्गल्यं शीलं तव भवतु नामैवमखिलं
तथापि स्मर्तॄणां वरद परमं मङ्गलमसि ॥

Shmashaneshvakrida smarahara pishachah sahacharash
Chitabhasmalepah srag api nrikaroti parikarah,
Amangalyam shilam tava bhavatu namaivam akhilam
Tathapi smartrinam varada paramam mangalam asi.

You play in the cremation grounds, O destroyer of Kama; goblins are your companions; you smear yourself with the ash of the pyres; your garland is of human skulls. Let all your ways be called inauspicious: still, O giver of boons, for those who remember you, you are the highest good.

हे कामदेव को भस्म करने वाले, आप श्मशानों में क्रीड़ा करते हैं, पिशाच आपके साथी हैं, चिता की भस्म आपका लेप है और मनुष्यों की खोपड़ियाँ आपकी माला। आपका यह सारा स्वभाव भले ही अमंगल कहलाए, फिर भी, हे वर देने वाले, आपको याद करने वालों के लिए आप परम मंगल हैं।

मनः प्रत्यक्चित्ते सविधमवधायात्तमरुतः
प्रहृष्यद्रोमाणः प्रमदसलिलोत्सङ्गितदृशः ।
यदालोक्याह्लादं ह्रद इव निमज्यामृतमये
दधत्यन्तस्तत्त्वं किमपि यमिनस्तत् किल भवान् ॥

Manah pratyak chitte savidham avadhayatta marutah
Prahrishyad romanah pramada salilotsangita drishah,
Yad alokyahladam hrada iva nimajyamritamaye
Dadhatyantas tattvam kim api yaminas tat kila bhavan.

The yogis hold their breath as the scriptures teach and turn the mind inward to the heart; their hair stands on end, their eyes brim with tears of joy, and seeing some truth within, they rejoice as if plunged in a lake of nectar. That truth, surely, is you.

योगी शास्त्र की विधि से प्राण रोककर मन को भीतर हृदय में लगाते हैं; उनके रोंगटे खड़े हो जाते हैं, आँखें आनन्द के आँसुओं से भर आती हैं, और भीतर किसी तत्त्व को देखकर वे ऐसे आनन्दित होते हैं मानो अमृत के सरोवर में डूब गए हों। वह तत्त्व सच में आप ही हैं।

त्वमर्कस्त्वं सोमस्त्वमसि पवनस्त्वं हुतवह-
स्त्वमापस्त्वं व्योम त्वमु धरणिरात्मा त्वमिति च ।
परिच्छिन्नामेवं त्वयि परिणता बिभ्रति गिरं
न विद्मस्तत्तत्त्वं वयमिह तु यत्त्वं न भवसि ॥

Tvam arkas tvam somas tvam asi pavanas tvam hutavahas
Tvam apas tvam vyoma tvam u dharanir atma tvam iti cha,
Parichchhinnam evam tvayi parinata bibhrati giram
Na vidmas tat tattvam vayam iha tu yat tvam na bhavasi.

“You are the sun, you the moon, you the wind, you the fire; you the waters, you the sky, you the earth and you the Self”: so the wise speak of you, in words that set limits. But we know of nothing in this world that you are not.

"आप सूर्य हैं, आप चन्द्रमा, आप वायु, आप अग्नि; आप जल, आप आकाश, आप पृथ्वी और आप ही आत्मा हैं": ज्ञानी लोग इस तरह सीमा बाँधने वाले शब्दों में आपका वर्णन करते हैं। पर हम इस संसार में ऐसी कोई वस्तु नहीं जानते जो आप न हों।

त्रयीं तिस्रो वृत्तीस्त्रिभुवनमथो त्रीनपि सुरा-
नकाराद्यैर्वर्णैस्त्रिभिरभिदधत् तीर्णविकृति ।
तुरीयं ते धाम ध्वनिभिरवरुन्धानमणुभिः
समस्तं व्यस्तं त्वां शरणद गृणात्योमिति पदम् ॥

Trayim tisro vrittis tribhuvanam atho trin api suran
Akaradyair varnais tribhir abhidadhat tirnavikriti,
Turiyam te dhama dhvanibhir avarundhanam anubhih
Samastam vyastam tvam sharanada grinatyom iti padam.

O giver of refuge, the word Om names you: with its three letters, A, U and M, it names the three Vedas, the three states of waking, dream and sleep, the three worlds and the three gods; with its subtle sound it reaches your fourth state, beyond all change; it names you whole and in your parts.

हे शरण देने वाले, "ॐ" शब्द आपका ही नाम लेता है: अपने तीन अक्षरों, अ, उ और म, से वह तीनों वेदों, जागने, सपने और गहरी नींद की तीन अवस्थाओं, तीनों लोकों और तीनों देवताओं को बताता है; अपनी सूक्ष्म ध्वनि से वह आपकी विकार से परे चौथी अवस्था तक पहुँचता है; वह आपको पूरे रूप में भी बताता है और अलग-अलग रूपों में भी।

भवः शर्वो रुद्रः पशुपतिरथोग्रः सहमहां-
स्तथा भीमेशानाविति यदभिधानाष्टकमिदम् ।
अमुष्मिन् प्रत्येकं प्रविचरति देव श्रुतिरपि
प्रियायास्मै धाम्ने प्रणिहितनमस्योऽस्मि भवते ॥

Bhavah sharvo rudrah pashupatir athograh saha mahams
Tatha bhimeshanav iti yad abhidhanashtakam idam,
Amushmin pratyekam pravicharati deva shrutir api
Priyayasmai dhamne pranihita namasyo smi bhavate.

Bhava, Sharva, Rudra, Pashupati, Ugra, Mahan the great, Bhima and Ishana: the Vedas, O God, move through each of these eight names of yours. To you, the dearest abode, I bow with all my heart.

भव, शर्व, रुद्र, पशुपति, उग्र, महान, भीम और ईशान: हे देव, वेद भी आपके इन आठ नामों में से हर एक में विचरते हैं। सबसे प्रिय धाम, आपको मैं पूरे मन से प्रणाम करता हूँ।

नमो नेदिष्ठाय प्रियदव दविष्ठाय च नमो
नमः क्षोदिष्ठाय स्मरहर महिष्ठाय च नमः ।
नमो वर्षिष्ठाय त्रिनयन यविष्ठाय च नमो
नमः सर्वस्मै ते तदिदमिति शर्वाय च नमः ॥

Namo nedishthaya priyadava davishthaya cha namo
Namah kshodishthaya smarahara mahishthaya cha namah,
Namo varshishthaya trinayana yavishthaya cha namo
Namah sarvasmai te tad idam iti sharvaya cha namah.

Salutations to you who are nearest, O lover of the forest, and to you who are farthest; salutations to the smallest, O destroyer of Kama, and to the greatest; salutations to the eldest, O three-eyed one, and to the youngest; salutations to you who are all, and to Sharva, who is all this.

हे वन से प्रेम करने वाले, सबसे निकट और सबसे दूर, आपको नमस्कार; हे कामदेव को भस्म करने वाले, सबसे छोटे और सबसे बड़े, आपको नमस्कार; हे त्रिनेत्र, सबसे बूढ़े और सबसे युवा, आपको नमस्कार; जो सब कुछ हैं, उन आपको, और जो यह सब हैं, उन शर्व को नमस्कार।

बहुलरजसे विश्वोत्पत्तौ भवाय नमो नमः
प्रबलतमसे तत्संहारे हराय नमो नमः ।
जनसुखकृते सत्त्वोद्रिक्तौ मृडाय नमो नमः
प्रमहसि पदे निस्त्रैगुण्ये शिवाय नमो नमः ॥

Bahularajase vishvotpattau bhavaya namo namah
Prabalatamase tat samhare haraya namo namah,
Janasukhakrite sattvodriktau mridaya namo namah
Pramahasi pade nistraigunye shivaya namo namah.

Salutations again and again to Bhava, full of rajas, who brings the universe forth; to Hara, full of tamas, who dissolves it; to Mrida, full of sattva, who makes people happy; and to Shiva, the shining state beyond the three qualities.

संसार को रचने के लिए रजोगुण से भरे भव को बार-बार नमस्कार; उसका संहार करने के लिए तमोगुण से भरे हर को बार-बार नमस्कार; लोगों को सुख देने के लिए सत्त्वगुण से भरे मृड को बार-बार नमस्कार; और तीनों गुणों से परे तेजोमय पद, शिव, को बार-बार नमस्कार।

कृशपरिणति चेतः क्लेशवश्यं क्व चेदं
क्व च तव गुणसीमोल्लङ्घिनी शश्वदृद्धिः ।
इति चकितममन्दीकृत्य मां भक्तिराधा-
द्वरद चरणयोस्ते वाक्यपुष्पोपहारम् ॥

Krishaparinati chetah kleshavashyam kva chedam
Kva cha tava gunasimollanghini shashvad riddhih,
Iti chakitam amandikritya mam bhaktir adhad
Varada charanayos te vakya pushpopaharam.

How small is my mind, weak and in the grip of sorrow, and how boundless your glory, which passes every limit of qualities! Though I was struck with wonder at this, devotion made me bold, O giver of boons, and laid at your feet this offering of flowers made of words.

कहाँ मेरा यह छोटा, कमज़ोर और दुखों के वश में रहने वाला मन, और कहाँ गुणों की हर सीमा लाँघने वाला आपका अनन्त वैभव! यह सोचकर मैं चकित था, फिर भी, हे वर देने वाले, भक्ति ने मुझे साहस दिया और आपके चरणों में शब्दों के फूलों की यह भेंट चढ़वा दी।

असितगिरिसमं स्यात्कज्जलं सिन्धुपात्रे
सुरतरुवरशाखा लेखनी पत्रमुर्वी ।
लिखति यदि गृहीत्वा शारदा सर्वकालं
तदपि तव गुणानामीश पारं न याति ॥

Asitagiri samam syat kajjalam sindhupatre
Surataruvara shakha lekhani patram urvi,
Likhati yadi grihitva sharada sarvakalam
Tadapi tava gunanam isha param na yati.

If the black mountain were the ink, the ocean its pot, a branch of the wish-granting tree of heaven the pen and the earth the page, and if Sharada, goddess of learning, took them and wrote for all time, even then, O Lord, she would not reach the end of your virtues.

अगर काला पर्वत स्याही हो, सागर दवात, कल्पवृक्ष की डाल कलम और पृथ्वी कागज़, और सरस्वती जी इन्हें लेकर सदा लिखती रहें, तब भी, हे ईश, वे आपके गुणों का अन्त नहीं पा सकेंगी।

असुरसुरमुनीन्द्रैरर्चितस्येन्दुमौले-
र्ग्रथितगुणमहिम्नो निर्गुणस्येश्वरस्य ।
सकलगणवरिष्ठः पुष्पदन्ताभिधानः
रुचिरमलघुवृत्तैः स्तोत्रमेतच्चकार ॥

Asura sura munindrair architasyendumaule
Grathita guna mahimno nirgunasyeshvarasya,
Sakala gana varishthah pushpadantabhidhanah
Ruchiram alaghu vrittaih stotram etach chakara.

Pushpadanta, the best of all Shiva’s attendants, made this lovely hymn in long metres to the Lord who wears the moon on his head and is worshipped by demons, gods and great sages: whose glory is woven of qualities, though he is beyond qualities.

सब गणों में श्रेष्ठ पुष्पदन्त ने लम्बे छन्दों में यह सुन्दर स्तोत्र उन ईश्वर के लिए रचा, जो सिर पर चन्द्रमा धारण करते हैं, जिनकी पूजा असुर, देवता और श्रेष्ठ मुनि करते हैं, और जिनकी महिमा गुणों से गूँथी है, फिर भी जो गुणों से परे हैं।

अहरहरनवद्यं धूर्जटेः स्तोत्रमेतत्
पठति परमभक्त्या शुद्धचित्तः पुमान् यः ।
स भवति शिवलोके रुद्रतुल्यस्तथाऽत्र
प्रचुरतरधनायुः पुत्रवान् कीर्तिमांश्च ॥

Aharahar anavadyam dhurjateh stotram etat
Pathati parama bhaktya shuddhachittah puman yah,
Sa bhavati shivaloke rudratulyas tathatra
Prachuratara dhanayuh putravan kirtimamshcha.

Whoever reads this flawless hymn to Dhurjati, the Lord of the matted locks, day after day, with the deepest devotion and a pure heart, becomes like Rudra in the world of Shiva, and here on earth has wealth in plenty, long life, children and fame.

जो पवित्र मन वाला मनुष्य जटाधारी शिव जी के इस निर्दोष स्तोत्र का हर दिन परम भक्ति से पाठ करता है, वह शिवलोक में रुद्र के समान हो जाता है, और यहाँ भी उसे भरपूर धन, लम्बी आयु, सन्तान और यश मिलता है।

महेशान्नापरो देवो महिम्नो नापरा स्तुतिः ।
अघोरान्नापरो मन्त्रो नास्ति तत्त्वं गुरोः परम् ॥

Maheshan naparo devo mahimno napara stutih,
Aghoran naparo mantro nasti tattvam guroh param.

There is no god higher than Mahesha and no praise higher than the Mahimna; no mantra higher than the Aghora, and no truth higher than the guru.

महेश से बड़ा कोई देवता नहीं, महिम्न से बड़ी कोई स्तुति नहीं, अघोर से बड़ा कोई मन्त्र नहीं, और गुरु से बड़ा कोई तत्त्व नहीं।

दीक्षा दानं तपस्तीर्थं ज्ञानं यागादिकाः क्रियाः ।
महिम्नः स्तव पाठस्य कलां नार्हन्ति षोडशीम् ॥

Diksha danam tapas tirtham jnanam yagadikah kriyah,
Mahimnah stava pathasya kalam narhanti shodashim.

Initiation, charity, austerity, pilgrimage, knowledge, sacrifices and all other rites are not worth a sixteenth part of reading the hymn of the Mahimna.

दीक्षा, दान, तप, तीर्थ, ज्ञान, यज्ञ और दूसरे सब कर्म महिम्न स्तोत्र के पाठ के सोलहवें हिस्से के बराबर भी नहीं हैं।

कुसुमदशननामा सर्वगन्धर्वराजः
शिशुशशिधरमौलेर्देवदेवस्य दासः ।
स खलु निजमहिम्नो भ्रष्ट एवास्य रोषात्
स्तवनमिदमकार्षीद्दिव्यदिव्यं महिम्नः ॥

Kusumadashana nama sarvagandharvarajah
Shishu shashidhara mauler devadevasya dasah,
Sa khalu nija mahimno bhrashta evasya roshat
Stavanam idam akarshid divyadivyam mahimnah.

Kusumadashana, “flower-toothed”, king of all the gandharvas, was a servant of the God of gods, who wears the young moon on his head. Fallen from his glory through the Lord’s anger, he made this most divine hymn to his greatness.

कुसुमदशन, यानी पुष्पदन्त, सब गन्धर्वों के राजा थे और सिर पर बाल चन्द्रमा धारण करने वाले देवों के देव के दास थे। प्रभु के क्रोध से अपनी महिमा से गिर जाने पर उन्होंने उनकी महिमा का यह परम दिव्य स्तोत्र रचा।

सुरवरमुनिपूज्यं स्वर्गमोक्षैकहेतुं
पठति यदि मनुष्यः प्राञ्जलिर्नान्यचेताः ।
व्रजति शिवसमीपं किन्नरैः स्तूयमानः
स्तवनमिदममोघं पुष्पदन्तप्रणीतम् ॥

Suravara munipujyam svargamokshaikahetum
Pathati yadi manushyah pranjalir nanyachetah,
Vrajati shivasamipam kinnaraih stuyamanah
Stavanam idam amogham pushpadanta pranitam.

If anyone reads, with joined palms and a mind on nothing else, this unfailing hymn made by Pushpadanta, honoured by the best of gods and sages, the one cause of heaven and of freedom, he goes to be near Shiva, praised by the kinnaras.

जो मनुष्य हाथ जोड़कर और मन को कहीं और न भटकाकर पुष्पदन्त के रचे इस अचूक स्तोत्र का पाठ करता है, जिसे श्रेष्ठ देवता और मुनि पूजते हैं और जो स्वर्ग और मोक्ष का एकमात्र कारण है, वह किन्नरों से स्तुति पाता हुआ शिव जी के पास पहुँचता है।

आसमाप्तमिदं स्तोत्रं पुण्यं गन्धर्वभाषितम् ।
अनौपम्यं मनोहारि शिवमीश्वरवर्णनम् ॥

Asamaptam idam stotram punyam gandharvabhashitam,
Anaupamyam manohari shivam ishvaravarnanam.

Here ends this holy hymn, spoken by the gandharva: beyond compare, delighting the heart, auspicious, a portrait of the Lord.

यहाँ गन्धर्व का कहा यह पवित्र स्तोत्र पूरा होता है, जो अनुपम है, मन को मोह लेने वाला है, कल्याणकारी है और ईश्वर का वर्णन करता है।

इत्येषा वाङ्मयी पूजा श्रीमच्छङ्करपादयोः ।
अर्पिता तेन देवेशः प्रीयतां मे सदाशिवः ॥

Ityesha vanmayi puja shrimach chhankara padayoh,
Arpita tena deveshah priyatam me sadashivah.

This worship made of words is offered at the feet of Shri Shankara: may Sadashiva, Lord of the gods, be pleased with me by it.

शब्दों से की गई यह पूजा श्री शंकर के चरणों में अर्पित है; इससे देवों के स्वामी सदाशिव मुझ पर प्रसन्न हों।

तव तत्त्वं न जानामि कीदृशोऽसि महेश्वर ।
यादृशोऽसि महादेव तादृशाय नमो नमः ॥

Tava tattvam na janami kidrisho si maheshvara,
Yadrisho si mahadeva tadrishaya namo namah.

I do not know your true nature, what you are like, O Maheshvara; whatever you are, O Mahadeva, to you as you are, salutations again and again.

हे महेश्वर, मैं आपका असली स्वरूप नहीं जानता कि आप कैसे हैं; हे महादेव, आप जैसे भी हैं, वैसे ही आपको बार-बार नमस्कार।

एककालं द्विकालं वा त्रिकालं यः पठेन्नरः ।
सर्वपापविनिर्मुक्तः शिवलोके महीयते ॥

Ekakalam dvikalam va trikalam yah pathen narah,
Sarvapapa vinirmuktah shivaloke mahiyate.

Whoever reads it once a day, twice or three times, is freed of every sin and honoured in the world of Shiva.

जो मनुष्य इसका दिन में एक बार, दो बार या तीन बार पाठ करता है, वह सब पापों से छूटकर शिवलोक में सम्मान पाता है।

श्रीपुष्पदन्तमुखपङ्कजनिर्गतेन
स्तोत्रेण किल्बिषहरेण हरप्रियेण ।
कण्ठस्थितेन पठितेन समाहितेन
सुप्रीणितो भवति भूतपतिर्महेशः ॥

Shri pushpadanta mukha pankaja nirgatena
Stotrena kilbishaharena harapriyena,
Kanthasthitena pathitena samahitena
Suprinito bhavati bhutapatir maheshah.

By this hymn that flowed from the lotus mouth of Pushpadanta, which takes away sin and is dear to Hara, when it is learned by heart and recited with a settled mind, Mahesha, Lord of all beings, is well pleased.

पुष्पदन्त के कमल जैसे मुख से निकले इस स्तोत्र से, जो पापों को हरता है और हर को प्रिय है, जब इसे कण्ठस्थ करके एकाग्र मन से पढ़ा जाता है, तब सब प्राणियों के स्वामी महेश बहुत प्रसन्न होते हैं।